Tarde festiva no cole con motivo do V Festival do Libro acompañados de Os Bolechas: Pili, Carlos, Tatá e Chispa bailaron connosco e gozamos da súa alegría e agarimo.
Durante a semana, lemos os seus libros, visionamos os vídeos e aprendemos e bailamos o seu canción. Encántannos! Grazas amigos!
Cada día, nos hospitais galegos , centos de enfermos precisan da nosa solidariedade para recuperar a saúde ou salvar a vida. Doar sangue é vital. Súmate!
A pesares de que a doazón de sangue é un xesto que só é posible realizar a partires dos 18 anos de idade, é fundamental concienciar dende a infancia sobre a importancia vital deste xesto solidario, polo que dende a Consellería de Sanidade e a Axencia de Doazón de Órganos e Sangue impúlsanse iniciativas coma esta publicación, que permite achegar este xesto solidario tanto ás nenas e nenos galegos como ás súas propias familias.
A Deputación presentou o novo libro "Os Bolechas van aos balnearios de Ourense" no que percorren a provincia visitando os distintos balnearios e a nosa riqueza termal.
400 escolares participamos no acto de presentación e nas actividades de lecer celebradas no Centro Cultural Marcos Valcárcel da Deputación de Ourense. Talleres de debuxo, maquillaxe, chapas, fotocall e música foron algunhas das actividades que alí puidemos realizar. Además recibimos de agasallo dous libros: "Os Bolechas van aos balnearios de Ourense" e "Os Bolechas van a Ourense", que teñen como obxectivo entreter e forma así como achegar a nosa lingua galega aos máis cativos. Grazas a todos os que fixeron posible esta bonita xornada con Os Bolechas.
Con motivo do III Festival do Libro, Os Bolechas visitaron o noso colexio e disfrutamos dunha tarde máxica chea de ilusión, ledicia e música. Ao ritmo da canción dos Bolechas bailamos e cantamos sen parar. Pero o momento máis desexado foi o pousado fotográfico con eles, poder abrazalos e saudalos persoalmente. Que emoción! Que nerviosismo!
A nosa viaxe polo mundo dos libros comeza na nosa cidade con "Os Bolechas van a Ourense".
A popular familia de "Os Bolechas" percorre nove vilas ourensáns coa súa caravana e pretende dar a coñecer entre os máis cativos a riqueza natural, patrimonial e cultural que ofrece a nosa provincia.
Os Bolechas están en Ourense celebrando o aniversario da súa curmá Ying. Están tamén Sarela, Kofi, a tía Camila, o tío Lisardo e mais Lusco e Fusco. Xa teñen a torta coas candeas acendidas. Mais, cando vai soprar, Ying lembra as amigas e amigos ourensáns e tamén quere convidalos á festa.
Manzaneda, Pena Trevinca, Verín, Xinzo, Bande, Celanova, Lobios, Ribadavia, Carballiño, O canón do Sil, Castro Caldelas, Pobra de Trives, O Barco, as pozas e as Burgas de Ourense son algúns dos lugares que visitan. Escoitade como len os nosos nenos.
