EDUCACIÓN VIARIA PARA PEQUES

Os nenos de 4 e 5 anos participaron na actividade do concello de Ourense: Alavín, alaván, o tranvía da educación viaria. Unha forma amena, divertida e participativa de aprender os sinais de tráfico e as normas de circulación. Encantounos!

Grazas a Tamara, concelleira de Educación, por acompañarnos.

 

EDUCACIÓN DEPORTIVA PARA A VIDA

A concellería de Educación pon en marcha un programa de obradoiros de "Educación deportiva para a vida" co obxectivo de fomentar a saúde a través da actividade física e o deporte entre a poboación infantil, non só pola mellora física resultante deles, senón tamén para a promoción da saúde mental e o crecemento persoal.

O contido concreto da sesión estivo encamiñado a que o alumnado aprenda a recoñecer as emocións resultantes do movemento corporal así coma a favorecer a percepción da autoeficacia e o reforzo da identidade persoal.

Este obradoiro está incluído no Programa Saúde Integral, da Fundación SHE, Fundación para a Ciencia, a Saúde e a Educación, que preside o prestixioso cardiólogo. Valentín Fuster, e forman parte do programa educativo municipal Educación para a Saúde.