Os nenos e nenas de 5º e 6º de Educación Infantil viviron unha xornada moi especial coa saída didáctica “Coñece a túa cidade”. Da man do noso guía, Martiño, percorremos algúns dos lugares máis emblemáticos de Ourense para descubrir a súa historia, os seus segredos e a súa riqueza cultural.
Durante o percorrido visitamos as As Burgas, onde puidemos observar a auga quente que brota do corazón da cidade e coñecer algunhas das lendas que as rodean. Tamén paseamos pola Praza Maior de Ourense, descubrindo a súa peculiar inclinación e a súa importancia como punto de encontro da cidadanía.
A nosa ruta continuou polo Casa do Concello de Ourense, onde aprendemos un pouco máis sobre o funcionamento da cidade, e rematou na impresionante Catedral de San Martiño de Ourense, un dos tesouros máis valiosos do noso patrimonio histórico e artístico.
Grazas a Martiño por acompañarnos nesta aventura e axudarnos a descubrir que coñecer a nosa cidade é tamén unha forma de querer e coidar o lugar onde vivimos. 💙🏛️✨
No hay comentarios:
Publicar un comentario